美國極佳級肉眼扒* AB05

基本資料
280-320克/包

1.5cm厚

*如對此產品厚度有特別要求請跟我們聯絡

USDA Prime 肉眼扒顏色呈櫻桃紅，擁有豐富的大理石花紋的油花，是42個月以內的年輕牛所生產的牛肉。肉眼因中心部位有一塊油花好似眼睛，因此被稱為「肉眼」 是最受歡迎的牛排部位，皆因肉質鮮嫩，油花多而且分佈均勻， 肉組織較有彈性，肉味亦較濃郁，每一口都感受到牛肉在口中溶化，香濃油脂香氣味！

為什麼要選擇USDA Prime肉眼扒？

Prime是美國牛肉最高級別, 只有2~3%牛隻可以評定為此級數, 油花以美國牛肉中最為豐富。至所以能成為Prime級別，全因飼養方式落足心思！爲了避免運動量過大而使肌肉生長、影響肉質，所以從小就限制牛隻運動量，讓牛肉充滿脂肪，油脂分佈非常均勻。飼料方面，多以玉米和穀物為主以減短飼養時間，使牛隻成長更，肉質更加柔嫩。最後，才養出肉質嫩滑的肉眼扒給大家食用！

USDA Prime肉眼扒口感有多好？

由於肌肉內的脂肪（油花）分佈均勻，而且熔脂溫度低，因而令其風味極佳，所以很多高級餐廳和酒店均會使用USDA PRIME！想試下在家中都可以享用到高級餐廳的質素？即刻買回家試試！

【華師傅煎靚牛扒小秘訣】

首先，睇牛扒嘅厚度。以一塊厚1.5cm嘅牛扒煎到5成熟為例。最好嘅解凍方法係將凍牛扒從雪櫃上格(-18℃)放番入雪櫃下格(0℃ - 4℃)，放8個鐘左右自然解凍，就最可以保持肉汁。最少煎前20分鐘就要拿出來室溫解凍。

1. 鹽、胡椒調味(粗粒胡椒嘅胡椒味會更濃)，係砧板上壓牛扒一吓，將調味料按進牛扒度。

2. 平底鍋預熱到冒煙後先至夠熱！可加入橄欖油，油嘅份量要足夠均勻佈滿平底鍋。

*平底鍋子要夠熱 ，先可以令食物係烹煮時產生更多風味，比如肉香、焦糖香等。

3. 落牛扒，輕輕咁牛扒由內往外鋪，呢個時候就會聽到「滋滋」聲就啱啦！

4. 第一面煎30秒，就可以翻轉到另一面，再煎30秒，基本上牛扒已經會變成金黃色

5. 如果喜歡保留脂肪，就可以以有脂肪那一側向鍋子，同時將鍋子傾斜，把油份集中在煎牛扒的位置，咁就煎得更香嫩可口！

6. 可加入幾顆稍微壓扁大蒜和百里香為牛扒增添風味。(大蒜不需剝皮)

7. 最後加嘅牛油係精髓所在！加咗牛油之後同樣將平底鍋傾斜，舀起融化嘅牛油淋係牛扒上面。

8. 完成後離鍋，將牛扒靜置5分鐘左右，可令肉汁沉澱，食起來會更加多汁。！